Vəzifə kürsüsünü sərvət toplamaq üçün trnaplinə çevirənlərdən biri də Elton Məmmədovdur. Deputat kimi bir vətəndaşın yaralı barmağına məlhəm olmasa da, öz barmaqlarını bala batıra bilib. Qeyd edək ki, Ukrayna Xüsusi Xidmət Orqanları 2019-cu ildə Donetsk separatçıları ilə əlaqəsi olan şirkətləri araşdıranda Elton Məmmədova məxsus şirkəti də siyahıya salmışdı. Bu haqda məlumatlar yayılsa da, Elton Məmmədov heç nə olmamış kimi susdu. Hərçənd ki, Azərbaycan-Ukrayna strateji əlaqələri fonunda AMEA-da vəzifə daşıyan, keçmişdə deputat olmuş bir şəxsin adının belə hallanması dövlət maraqlarına ziddir. O ayrı məsələ ki, Elton Məmmədov deputat ola-ola bu pulları necə qazanıb, dəyəri on milyonlarla ölçülən şirkətlərə necə sahib olub?! Oğlu Aynar Məmmədov da atasının qeyri-qanuni yollarla əldə etdiyi pullarla aldığı 10-LZ-100 dövlət nömrə nişanlı “Porşe”də avtoşluq etməklə məhşurlaşıb. Oğlunun avtomobil kolleksiyası haqda məlumatlar mediada geniş yayıldı. – “Lamborghini Avendator LP700-4”; – “BMW”; – “Mercedes CLS 63”; – “Grand Cherokee”; – “Ferrari”; – “Maserati”; – “Porsche Panamera” Elnur Məmmədovun kolleksiyası: – “Aston Martin DBS” – “Mercedes G-Class Brabus G V12” – “Aston Martin Rapide” – “Hummer H1” – “Hummer H2” – “BMW X5” – “Bentley Continental GT” – “Porsche Panamera” Bu kolleksiyalar Elton Məmmədovun topladığı varidatın kiçik bir qismidir. Villalar, restoranlar, iaşə obyektləri, şirkətlər və saydıqca bitməyən biznes imperiyası. Elton Məmmədovun oğulları təkcə avtoxuliqan yox, həm də qumar oyunları ilə ad çıxarıblar. Aynar Məmmədova məxsus “Nar Cafe”də qanunsuz mərc oyunlarının keçirilməsi faktı uzaq tarix deyil. Xatırladaq ki, tikintisi 80 milyon dollara başa gəlmiş Bakı Beynəlxalq Avtovağzalı Kompleksi Britaniya Virgin adalarında qeydiyyatda olan «Trans European Leasing Group» tərəfindən 2004-cü ildə təsis edilən “Baku XXI Centry” LLC şirkətinə məxsusluğu bir neçə il əvvəl üzə çıxmışdı. Məlum olmuşdu ki, həmin şirkətin təsisçisi və sahibi Elton Məmmədovdur. Elton Məmmədov özü bu məlumatı təsdiq etmişdi. Elton Məmmədov həm də bahalı villaları ilə tanınır. Ölkənin müxtəlif rayonlarında dəbədəbəli imarətlərə sahibdir. Qeyd edək ki, Elton Məmmədov keçmiş Nəqliyyat naziri Ziya Məmmədovun qardaşıdır.
